“Konsultimet janë farsë”, Bardhi: Kryeministri e ka caktuar datën e zgjedhjeve, presidenti pret të nënshkruajë vullnetin e partisë në pushtet

Kreu i Grupit Parlamentar të PD-së Gazment Bardhi shprehet se konsultimet e presidentit Bajram Begaj me partitë politike për datën e zgjedhjeve janë farsë.

Bardhi shprehet se Rama e Balla e kanë caktuar datën e zgjedhjeve dhe se presidenti pret vetëm të nënshkruajë e të vulosë vullnetin e partisë në pushtet.

“Farsa e gjoja konsultimeve me parti politike dhe madje edhe me individë pa parti, është një akt i shëmtuar që meriton vetëm të përbuzet”, shprehet Bardhi.

Gazment Bardhi: Tashmë Rama-Balla e kanë caktuar datën e zgjedhjeve dhe Presidenti pritet vetëm të nënshkruajë e të vulosë vullnetin e partisë në pushtet. Farsa e gjoja konsultimeve me parti politike dhe madje edhe me individë pa parti, është një akt i shëmtuar që meriton vetëm të përbuzet.