Kreu i Partisë Agrare Ambientaliste Agron Duka reagon pas lajmit të publikuar nga mediet italiane mbi trafikun e parregullt të plehrave nga Shqipëria, ku hetimi i antimafias italiane ka përfshirë edhe zyrën e kryeministrit Edi Rama.
Duka shpreh shqetësimin mbi këtë ngjarje dhe bën thirrje që autoritetet t’i kushtojnë vëmendjen e duhur.
REAGIMI I DUKËS:
“Mediat italiane denoncojnë trafikun e plehrave nga Italia në Shqipëri.
Të nderuar qytetarë, një lajm shqetësues është berë sot publik në mediat italiane.
1300 ( një mijë e treqind ) konteiner me destinacion landfilldin e Shkupit në Maqedoni, janë zhdukur në territorin tonë.
1300 (një mijë e treqind ) konteinerët janë nisur nga porti kalabrez i Gioia Tauro, të mbushur me mbetje urbane dhe industriale, dhe kanë mbërritur në Durrës.
Sipas hetimeve të deritanishme këto mbetje nuk kanë dalë nga territori shqiptar.
2.604 ( dy mijë e gjashtëqind e katër ) konteiner të nisur nga porti italian i Gioia Tauro kanë mbërritur në Durrës, por në pikën doganore të Qafë Thanës kanë kaluar vetëm 1140 ( një mijë e dyzet ), pjesa tjetër është zhdukur, lexohet në artikullin e bashkëlidhur.
Hetimet mbi këtë çështje janë ngritur në Itali dhe në Maqedoni. Ekzistojnë dyshime se këto plehëra janë groposur ose djegur në territorin tonë nga mafia italiane.
Si qytetarë i thjesht, si Kryetar i Partisë Agrare Ambientaliste të Shqipërisë dhe si Deputet i Parlamentit Shqiptar, po ndaj me Ju, linkun e gazetë italiane Pianeta Italia, me shpresë që kjo çështje të marrë vëmendjen e duhur.
Faleminderit!”.
Sipas investigimit të medias italiane, bëhet fjalë për rreth 2600 kontenierë secili me 22 ton mbetje që duhej të përfundonin për t’u ricikluar Maqedoni, në Shkup. Mësohet se në Shkup kanë përfunduar vetëm rreth 1130 kontenierë. Bëhet fjalë për lëndë kimike shumë të rrezikshme që dyshohet se janë groposur në Shqipëri. (D.D/Shuplaka)
Discussion about this post