Kryetari i Këshillit të Lartë të Prokurorisë, Gent Ibrahimi ka deklaruar se kandidatët për Prokuror të Përgjithshëm kanë një afat 3 ditor për të ankimuar pikët që kanë dalë për secilin prej tyre, dhe pas kësaj date lista do ti dërgohet Kuvendit për votim.
Ka pasur kontestime nga kandidatët?
Shpresoj të ketë ankime nga kandidatët, procesi i vlerësimit ka qenë profesional, secili kandiodat pati mundësinë të paraqiste platformën e saj. Brenda 3 ditësh mund të bëjnë ankimin.
Ndërkohë për rastin nëse nuk do të ketë vullnet politik pë zgjedhjen e kryeprokurorit, Ibrahimi tha:
“Ne dhamë një shembull me këtë proces, që i përgjigjemi dhe skepticizmit. Ky shembull do merret parasysh dhe nga Kuvendi. Ai mund të zgjedh edhe kandidatin e tretë në listën tonë. Kuvendi shpresoj të marrë parasysh pozicionin e KLP dhe të zgjedhë të parin në listën tonë”.
“Unë nuk e di ende si kanë votuar anëtarët e Këshillit. Ata kanë të drejtën ligjore të votojnë si e mendojnë ata. Jam me mëdyshje nëse duhet bërë publik mënyrën si kanë votuar secili prej tyre. Mendoj që ka të mira dhe të këqija në publikimin e akteve individuale të votimit të anëtarëve.
Nuk është çështje dëshire, është çështje ligji, dhe ligji parashikon që kryeprokurorin e zgjedh Parlamenti. Ne do bashkëpunojmë po aq mirë me cilin kandidat që të zgjedhë Kuvend. Nuk do të jetë e vështirë për ne të bashkëpunojmë me secilin, por mendoj që Kuvendi do të zgjedhë shembullin tonë, pasi jemi ne që bëjmë vlerësimin”, vijoji mët tej Ibrahimi.
(F.GJ/FAXWEB.AL)
Discussion about this post