Drejtori i Burgut të Rogozhinës Besnik Kaptelli ka qenë disi kontradiktor në dëshminë e tij në Komisionin IMSI CATCHER. Fillimisht ai ka thënë se nuk kishte dijeni që një makinë të ishte futur në ambjentet e burgut, por më vonë ka thënë se ka patur dijeni. Kjo sepse sipas tij ai ka punuar në tre institucione të ndryshme këtë kohë si shef i policisë.
Noka: Sa kohë keni në krye të burgut të Rrogozhinës?
Kaptelli: Kam qenë katër muaj .
Noka: Po më parë ?
Kaptelli: Kam qenë në burgun e Fierit
Noka: A keni dëgjuar për një paisje që maste lagështinë në burgje?
Kaptelli: E kam dëgjuar vetëm nga mediet.
Noka: Keni marrë urdhër nga Artur Zoto për futjen e një makine në burg?
Kaptelli: Edhe njëherë e përsëris nuk kam marrë ndonjë urdhër nga Zoti Artur Zoto. Këto lëshohen vetëm me shkrim nëse do të futen. Dhe m,ë pas I bëhen prezente titullarit të Komisionit
Noka: Jeni thirrur në orange të tjera për këtë çështje?
Kaptelli: Vetëm në Prokurorinë e Tiranës para 4-5 muajsh.
Noka: A keni dijeni që ka të dhëna shkresore për institucionet ku ju keni drejtuar për të dhëna të një makine?
Kaptelli: Në njërin nga këto institucione, për burgun e Peqinit kam dhënë dëshminë time dhe informacionet.
Noka: Ju keni dijeni pra që Elton Xhelilaj ka hyrë në burgun e Peqinit, pra keni kujdes se çdo dëshmi e rreme ju vë përpara përgjegjësisë për dëshmi të rreme. Unë sapo e këshillova dëshmitarin që t’I për,bahet të vërtetës se është në hetim dhe në rast devijimi do të thotë që funksionon kodi i procedurës penale edhe për dëshmitë në këtë komision.
Sapo pranoi që ka dijeni për futjen e Enton Xhelilaj në burgun e Peqinit, madje sapo pranoi që ka dhënë dëshmi edhe në Prokurori për këtë.
Çuko: A mund ta përsëishësh atë që the?
Kaptelli: Kam pranuar që jam thërritur nga organet ligjzbatuese për këtë fakt
Noka: Sapo pranoi që ka dijeni.
Qefalia: Mënyra e kërcënimit të bën të dukesh si një prokuror. Pyetjen e kisha të tillë që keni punuar në dy institucione?
Kaptelli: Po është e vërtetë që kam punuar në disa institucione.
Noka: A keni dijeni që vijnë ekspertë që vijnë dhe masin cilësinë e ajrit. Ka një kujdes të madh nga Ministria e Brendshme, ndryshe nga Tirana që e kanë matur cilësinë e ajrit vetëm në disa pika Ministria e Brendshme ka qenë më e kujdesshme për të burgosurit.
Kaptelli: Në një nga këto ditë kam komunikuar me shërbimet e mija të policisë. Elton Xhelilaj ka hyrë në burgun e Elbsaanit. Kam biseduar me të për çështje të ndryshme. Jam vënë në dijeni të emrit të tij më vonë.
Noka: Kush ju urdhëroi të takonit këtë person?
Kaptelli: ja kam bërë me dijeni këtë prokurorisë
Noka: Kush ua komunikoi? Nuk ka të bëjë aspak me sekretin hetimor
Kaptelli: Unë e kam pritur vetëm në zyrë këtë person. Unë ju kujtoj se burgu i Peqinit është i sigurisë së lartë
(Nuk jep një përgjigje kush e ka urdhëruar)
Noka: Kush ua komunikoi ?
Kaptelli: Mua më është komunikuar nga salla operative.
Dogjani: Kjo është një ngjarje shumë e rëndësishme, pasi jo vetëm që ata që e kanë bërë duhet të paraqiten para ligjit, po edhe që kjo të mos bëhet e udhës. A rregjistrohen të gjitha mjetet që hyjnë në ambjentet e burgut. A është regjistruar ky mjet? A keni dijeni ju me çfarë motivacioni është regjistruar ky mjet?
Kaptelli: Ky mjet është regjistruar komform të gjitha procedurave. (E.K/SHUPLAKA)
Discussion about this post