Vetëm ditën e nesërme pritet që opozita e udhëhequr nga Partia Demokratike të mbajë protestën e parashikuar prej muajsh. Ditën e sotme është folur nga policia edhe për skenarë të dhunshëm që mund të ndodhin. Nga ana tjetër Partia Demokratike ka bërë të ditur se kjo do të jetë një protestë paqësore.
Ndërkohë që kushdo që kalon nga kryeministria ditët e fundit vë re se në hyrje të saj është vendosur një rrjetë e zezë. Kjo për të mbrojtur stendën me drita të artistit Italian Philippe Parreno. Ky padyshim një vendim i kryeministrit Rama do të ishte shumë i mirëpritur duke ditur kujdesin e tij për veprat e artit. Pa mohuar edhe prejardhjen profesionale që ka.
Deri këtu jemi në rregull nëqoftë se kujdesi për artin dhe trashëgiminë kulturore do të ishte në të gjithë pjesët e tjera të vendit. Po jo më larg se në qytetin e Durrësit, i dyti për nga rëndësia në vend po kryhet një masakër e vërtetë.
Kryetari socialist i Bashkisë Durrës Vangjush Dako ka nisur një projekt që ka nxitur jo pak debate. Shoqëria civile e ka kudërshtuar fort projektin ‘’Veliera’’ pasi ka cënuar rrënojat e qytetit të vjetër antik.
Protesta këto që ranë në vesh të shurdhër deri ditën e djeshme kur Gjykata Administrative mori vendimin që punimet të pezullohen.
E pra në Tiranë mbrohet një vepër arti e re pa ndonjë vlerë arkeologjike që ka pretendime se mund të sulmohet, dhe nga ana tjetër në Durrës vetëm e vetëm për një projekt infranstrukturor po dëmtohen këto rrënoja historioke. Vetë kryeministri nuk ka reaguar fare përsa i përket Durrësit e habitshme kjo duke ditur kujdesin e tij siç e thamë për artin. (E.K/SHUPLAKA)
Discussion about this post