Kontrolle në banesa, sekuestrohen 19 kilogramë drogë në Korçë (DETAJE/FOTO)

19 kilogramë lëndë narkotike “Cannabis sativa” janë gjetur dhe sekuestruar gjatë kontrolleve të ushtruara në dy banesa në Korçë.

Konkretisht, 16.7 kg drogë u gjet në banesën e shtetasit Alban Mane dhe 2.2 kg të tjera në banesën e Elidon Zeqos. Dy poseduesit e lëndës narkotike u vunë në prangat e policisë.

Detaje të Policisë së Korçës:

Sekuestrohet një sasi prej rreth 19 Kg lendë e dyshuar si narkotike Cannabis Sativa.

Policia arreston në flagrancë dy poseduesit e lëndës, e cila u gjet në afërsi të banesave të këtyre të fundit.

Specialistët e Seksionit për Krimet në Komisariatin e Policisë Korçë, në vijim të punës për goditjen e rasteve të prodhimit dhe shitjes së lëndëve narkotike, bënë kapjen dhe arrestimin në flagrancë të shtetasve : 

•    Elidon Zeqo, 24 vjeç dhe
•    Alban Mane, 36 vjeç, të dy banues në Korçë.

Më datë 09.05.2017, në bazë të informacioneve të siguruara në rrugë policore, si edhe gjatë kontrollit të ushtruar nga shërbimet e Policisë në afërsi të banesave respektive të tyre në lagjen nr 6 të qytetit të Korçës, iu gjet e bllokua në cilësinë e provës materiale 16,7 kg shtetasit  Alban Mane dhe 2,2 kg shtetasit Elidon Zeqo lëndë e dyshuar si narkotike Cannabis Sativa.

Materialet në ngarkim të tyre i kaluan Prokurorisë të Rrethit Gjyqësor Korçë për veprën penale : “Prodhimi dhe shitja e narkotikëve” parashikuar nga neni 283/2  i Kodit Penal.

(XH.A/SHUPLAKA)

[ngg_images source=”galleries” container_ids=”1769″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]