Pak orë pas atentatit ndaj tij, Policia kryer kontrolle pranë banesës dhe bizneseve të Ardian Çapjat në Elbasan, ndërsa nuk dihet nëse kanë gjetur armë, apo diçka tjetër që mund të rëndojnë pozitat e tij.
Banesa e Çapjas ndodhet në zonën e Krastës në Elbasan, dhe është mjaft e siguruar me kamera, por deri tani policia nuk ka rënë në gjurmët e autorëve, të cilët dyshohet se kanë gjuatur me snajper, në drejtim të të fortit të Elbasanit.
Ndërkohë vetë Çapja i është nënshtruar një operacioni në spitalin e Traumës në Tiranë, nga ky u soll me urgjencë nga Elbasani. Burime bëjnë me dije për Faxweb.al se plumbi i ka përshkruar Çapjas shpatullën e djathtë, dhe i është afruar organit jetik të zemrës.
Drejtori i spitalit të Traumës Arben Zenelaj ka thënë jashtë kamerave se gjendja e Çapjas mbetet kritike. Çapja u qëllua me një ármë snajper në distancë, ndërsa dyshohet se në atentatin ndaj tij kanë marrë pjesë më shumë se dy persona, që kanë vëzhguar lëvizjet e tij prej kohësh.
Për shkak të frikës se mund ti kanoset ndonjë tjetër rrezik, spitali i Traumës në Tiranë ëshrtë rrethuar me forca të shumta sigurie, një pjesë e të cilëve janë të ármatosur. Ndërkohë që në spital ka dhe familjarë të shumtë të tij, të cilët fillimisht tentuan që ta fshehin atentatin duke thënë se ka pasur një incident në banesë, nga ku është rrëzuar.
Derimë tani policia nuk ka asnjë të dyshuar në lidhje me këtë ngjarje, ndërkohë që në Elbasan gjatë ditës së sotme kanë mbërritur dhe forcat RENEA.
(E.K/Faxweb.al)
Discussion about this post