Një kontroll i befasishëm është zhvilluar mëngjesin e sotëm në Institucionin e Ekzekutimit të Vendimeve Penale në Durrës, me urdhër të Drejtorit të Përgjithshëm të Burgjeve. Operacioni, i kryer në mënyrë të koordinuar dhe pa paralajmërim, synonte parandalimin e pajisjeve të ndaluara që mund të cenojnë sigurinë në ambientet e vuajtjes së dënimit.
Gjatë këtij aksioni janë sekuestruar 10 aparate celulare, që dyshohet se ishin futur në mënyrë të paligjshme brenda qelive dhe përdoreshin për komunikime të paautorizuara jashtë institucionit. Sipas burimeve, telefonat janë zbuluar të fshehur në vende të ndryshme si prapa mureve të modifikuara, tualeteve dhe objekteve personale të të burgosurve.
Operacioni vjen në një moment ku vëmendja ndaj burgut të Durrësit është e lartë, pasi aty ndodhen të izoluar edhe disa personazhe të njohur publikisht, mes tyre Jurges Çyrbja, si dhe ish kryebashkiaku i dhe Erion Veliaj, i përfshirë në çështje të bujshme që kane te bejne me aferat korruptive.
