Kontrollet në banesat e gjyqtarëve, reagon gazetari: Strategji e Ramës, si ti vrasësh sërish policët

Gazetari Telnis Skuqi ka komentuar ngjarjen e sotme ku Policia e Shtetit bëri disa kontrolle të befasishme në banesat e gjyqtarëve duke thënë se të bësh kontrolle të tilla është si ti vrasësh sërish policët.

Sipas tij, Rama është i gatshëm ta shkelë ligjin me të dyja këmbët vetëm që të shpëtojë veten dhe Dritan Dajtin, ndërkohë që sipas Skuqit ata që zbatuan urdhrat e tij duhet të persekutohen.

“Dritan Dajti është në të drejtën e tij të gjej “vrimat” që parashikon Kodi Penal. Ai nuk ka faj, por fajtor direkt është kryeministri, sepse ai nuk veproj me vendosmëri qysh ku u lirua nga burgu Lul Berisha, përkundrazi jo vetëm që nuk veproj si sot, por kryebashkiaku i Durrësit u rikandidua sërish me bekimin e tij dhe grupeve kriminale”, – shkruan gazetari në rrjetet sociale.

Sipas Skuqit, kur Lul Berisha u lirua nga burg me bekimin e Dakos, edhe Dajti është në të drejtën e tij të ndryshojë vendimin e formës së prerë.

Ai shprehet se të thuash se gjyqtarët janë të korruptuar ende pa zbardhur vendimin e tyre, është si të thuash: Edi Rama është mesia.

Statusi i plotë:

Nëse do të vazhdonte të jetonte komiku Charlie Chaplin, do të qeshte me këto kontrollet e befasishme të Policisë së Shtetit ndaj pesë gjyqtarëve.
Edi Rama është i gatshëm të shkel ligji me të dyja këmbët, vetëm të shpëtoj veten dhe Dritan Dajtin, ndërsa ata që zbatuan urdhërat e tij duhen të presekutohen.
Të bësh kontroll në banesat e gjyqtarëve, është si vrasës sërish katër policët. 
Dritan Dajti është në të drejtën e tij të gjej “vrimat” që parashikon Kodi Penal. Ai nuk ka faj, por fajtor direkt është kryeministri, sepse ai nuk veproj me vendosmëri qysh ku u lirua nga burgu Lul Berisha, përkundrazi jo vetëm që nuk veproj si sot, por kryebashkiaku i Durrësit u rikandidua sërish me bekimin e tij dhe grupeve kriminale.
Ku Lul Berisha u lirua nga burg me bekimin e Dakos, edhe Dajti është në të drejtën e tij të ndryshoj vendimin e formës së prerë.
Edhe ai bir nëne është. 
Prandaj të thuash që gjyqtarët janë të korruptuar ende pa zbardhur vendimin e pesë gjyqtarëve, është si të thuash: Edi Rama është mesia vet.

(F.GJ/FAXWEB.AL)