Policia Italiane ka bërë një zbulim të rëndësishëm teksa në bashkëpunim me të gjitha divizionet e Komandës Provinciale lokale të angazhuar në kontrollet e përgatitura nga Autoriteti i Sigurisë Publike për pajtueshmëri me dispozitat e Qeverisë që synojnë të pengojnë përhapjen e COVID-19.
Mësohet se i kanë dhënë një goditje të rëndë ndërmarrjes ndërkombëtare kriminale, duke përgjuar një ngarkesë të madhe droge e cila është gjetur në një kamion, ku ishte fshehur në një mënyrë tepër profesionale nga ana e shoferit shqiptar.
Mësohet se ky i fundit është një 47-vjecar shqiptar i cili ishte nisur nga Durrësi, pasi deklaroi arsyet e udhëtimit, ose dorëzimin e një ngarkese të paketave të veshjeve në provincat e Piacenza dhe Bergamo të shoqëruar nga vërtetimi i përshkruar dhe ka treguar shenja të dukshme se diçka nuk shkonte me ngarkesën që transportonte.
Përmes qenve të antidrogës, karabinierët zbuluan lëndën narkotike, ndryshe nga se kishte thënë shqiptari. Kontrolli për Covid-19 u shëndërrua kështu në një aksion për të parandaluar veprimtaritë e grupeve të dyshuara kriminale ndërkombëtare për trafik droge.
U zbulua se në kamion kishte 12 kilogramë kokainë dhe 8.8 kg heroinë.
Shoferi i kamionit emri i të cilit nuk është bërë i ditur u arrestua dhe u dërgua në paraburgim ndërsa hetimet janë duke u zhvilluar për të identifikuar kanalet e furnizimit me drogë dhe rrugët nga shkonin trafikantët në Itali.
Discussion about this post