Ministrja e Drejtësisë, Etilda Gjonaj gjatë një deklarate për mediat ka kërkuar nisjen e hetimeve për gjyqtarin që la të lirë të dënuarin me burgim të përjetshëm, Gerd Gjinari.
Gjonaj tha se është proceduar drejtori i burgut Drenovës, një përgjegjës sektori dhe dy specialist për shpërdorim detyre dhe falsifikim dokumentash.
“Është në kundërshtim me instancat ligjjore për lirimin me kusht. Për këtë arsye ministria i është drejtuar inspektoriatit duke kërkuar hetimi disiplinor për gjyqtarin. Është proceduar drejtori i Burgut Drenovës, një përgjegjës sektori dhe dy specialistë për shpërdorim detyre dhe falsifikim dikumentash që lidhen me lirimin e të burgosurit”, – tha Gjonaj
Gjonaj foli edhe për punën e Task-Forcës për të cilën tha se zhdukja e korrupsionit do të ndikojë në rritjen ekonomike, duke lajmëruar njëkohësisht vijimin e punës në këtë drejtim.
Sipas saj gjatë kontrolleve kryesisht në portin e Durrësit janë konstatuar shkelje ndaj të cilave janë ndërmarrë 25 masa disiplinore ku një e tillë tha ajo është marrë edhe për drejtorin e këtij porti.
“Jam këtu para jush për t’iu raportuar se puna e taks forcës vijon. Jemi të bindur se zhdukja e korrupsionit do të ndikojë në rritjen ekonomike. Qeveria Ministria e Drejtësisë do të vijojë e palëkundur.
Në fokusin e task forcës këtë javë ishte posti më i madh i vendit ai i Durrësit, me objekt respektimin e kërkesave ligjore. Gjatë kontrollit u evidentuan shkelje për mosbatim urdhërash të brendshëm. Shkelje janë evidentuar edhe në rekrutimin e personelit në këtë institucion. Task Forcë evidentoi 25 masa disiplinore. Masë disiplinore, edhe për drejtorin e Portit Durrës.Për lirimin e Gert Gjinarit, kemi kërkuan edhe inicimin e hetimit për gjyqtarin”,- deklaroi ndër të tjera ministrja.
(F.GJ/FAXWEB.AL)
