Më datë 3 dhe 4 dhjetor zhvilloi punimet Konventa Kombëtare Zgjedhore e LSI-së, ku u zgjodhën edhe drejtuesit e rinj të kësaj partie. Por pak para fillimit të këtij aktiviteti ka patur një përplasje fizike mes një punonjësi dhe drejtorit të Pallatit të Sportit “Asllan Rusi”, Ardjan Yzeiraj.
Punonjësi në fjalë, Ylli Rroshi, ka bërë denoncim në emisionin “STOP”, ku ka pretenduar se është goditur fizikisht pa shkak nga drejtori i Pallatit të Sportit.
Rroshi, me të nxira në sy tregon, se ka qenë duke punuar në këtë ambient, por shkëputja e energjisë, ka sjellë përplasjen fizike me Yzeirjan.
Ky i fundit pranon se ka patur një debat në momente tensioni. Por sipas tij, kjo gjë duhet mirëkuptuar, se kishte mbi vete barrën e aktivitetit që po organizohej.
