E ftuar në ‘Fax News’ deputetja e LSI-së ka folur rreth problematikave të maturës shtetërore, ku edhe këtë vit nxënësit në disa raste kanë deklaruar se janë lejuar të kopjojnë.
Malaj tha se kjo është diçka shumë e rëndë dhe është njësoj si të dhunohet kushtetuta pasi është një e keqe kombëtare.
Ajo kërkoi nga Ministria e Arsimit që aty ku ka shkelje most ë mbyllë sytë por rastin ta denoncojë në prokurori qoftë person apo institucion.
“Në të vërtetë për çdo individë që shkel rregulloren e Maturës Shtetërore, Ministria ta cojë në Prokurori, të çojë institucionet apo individin përgjegjës në Prokurori sepse kjo është një e keqe kombëtare. Cdo rast të shikohet me vëmmendje ti çohen organeve kompetente dhe të jipet një zgjidhje për problemin”, tha Malaj.
Ish zv. Ministrja e Arsimit e pyetur nëse është një problem koha e shkurtër mes provimeve të maturës, ku hapësira mes njërit provim dhe tjetërit është 4 ditë, tha se ende nuk kanë marrë ankesa të tilla, duke theksuar se në fund të procesit mund të thirret në komision Ministrja e Arsimit Lindita Nikolla, për të dhënë shpjegime rreth problematikave të shfaqura.
Malaj thekso se nxënësit duhet të jenë të informuar për tregun e punës, duke shtuar se një pjesë e madhe e tyre kanë tendencën për tu larguar jashtë vendit.
Si provimin më të vështirë ku mund të kopjohet ajo përmendi atë të Gjuhë-Letërsisë pasi kërkon një formim të gjerë, si dhe atë të matematikës.
“Provimi i letërsisë është më i vështirë për tu kopjuar pasi kërkon një formim të gjerë, shkalla e vështirësisë së provimeve vjen duke u rritur në mënyrë graduale”, tha Nora Malaj.
Intervista e plotë:
(B.H/Faxweb)
Discussion about this post