Deputeti i opozitës parlamentare Korab Lita i ftuar ditën e sotme në studion e lajmeve në Fax News foli në lidhje me projektligjin e ‘Lustracionit’ që synon largimin e personave që kanë shërbyer në periudhën e komunizmit.
Lita tha se ato nuk po kërkojnë që të burgosin njeri, apo të hakmerren, por ato këkojnë që ish-funksionarët e sistemit komunist të largohen nga funksionet publike. Lita theksoi se ka shumë persona që kanë shërbyer në diktaturë dhe sot janë në administratën publike.
“Nisma në fjalë është nisma e deputetëve të opozitës e firmosur nga 20 deputetë të opozitës e cila ishte programuar të shqyrtohej në komisionin e ligjeve. Po për fat të keq kjo nisme u rrëzua në komision, pavarësisht se do të diskutohet edhe në seancë plenare.
Këto nisma janë marrë vetëm në sensin politik sa për t’i treguar publikut se po merremi me këtë, por nuk kanë qenë serioze sepse rrëzimi i tyre i herëpashershëm kanë treguar se lobi funksionarëve dhe politikanëve që kanë shërbyer në komunizëm vazhdon të jetë shumë i fortë sot. Për të vetmin fakt se ky ligj prek shumë prej tyre dhe ato kanë arritur që ta rrëzojnë.
Duhet thënë që tashmë po të bëjmë një llogari të thjeshtë dhe personat që kanë shërbyer i takon që të jenë të gjithë mbi 60 vjeç. Nuk po kërkojmë të burgosim njeri, as hakmarrje, vetëm pak kanë ngelur, por po kërkojmë meqë keni dalë në pension shijoni pensionin sepse keni shpenzuar shumë para duke vjedhur taksat e shqiptarëve, ikni lini të lirë shqiptarët të ndahen nga e kaluara komuniste.
Ata që kanë shërbyer në diktaturë janë sot në administratë dhe japin leksione demokracie. Maxhoranca nuk ndahet dot nga e kaluara komuniste.”- tha Lita.
Discussion about this post