Një aksident rrugor është regjistruar këtë të martë pranë fshatit Dvoran, ku një automjet ka dalë nga rruga duke lënë të plagosur një çift bashkëshortësh.
Sipas informacioneve paraprake, drejtuesi i mjetit dyshohet se ka humbur kontrollin e automjetit, duke përfunduar jashtë rrugës. Si pasojë, si ai ashtu edhe bashkëshortja e tij, që ndodhej në vendin e pasagjeres, kanë mbetur të plagosur.
Dy të dëmtuarit janë dërguar me urgjencë drejt Spitalit Rajonal të Korçës, ku po marrin ndihmën mjekësore të nevojshme.
Ndërkohë, policia ka mbërritur në vendngjarje dhe po punon për zbardhjen e plotë të rrethanave të aksidentit.
