Korçë/ Dogjën dhjetëra hektarë pyje dhe kullota, arrestohen 7 persona

Një ditë pas mbledhjes dhe kritikave të ashpra të prefektit ndaj bashkive dhe policisë duket se ka pasur një impakt te autoritet e qarkut Korçë, pasi policia ka finalizuar një operacionin, duke vënë në pranga 7 persona pasi akuzohen për zjarrvënie të qëllimshme.

Nga 7 personat e arrestuar, nga të cilët 3  prej tyre akuzohen për veprën penale “Shkatërrimi i pronës me zjarr” dhe 4 të tjerët akuzohen për veprën “Ndotja e ajrit”.

Sipas policisë këta përsona kanë djegur sipërfaqe të mëdha më pyje dhe kullota, duke shkatërruar dhe djegur me hektarë tokë.

Policia vendos përpara përgjegjësisë ligjore, autorët e zjarrvënieve në pyje dhe kullota, si dhe të ndotjes së ajrit.

Procedohen penalisht 7 shtetas, nga të cilët 3 për veprën penale “Shkatërrimi i pronës me zjarr” dhe 4 të tjerë për veprën “Ndotja e ajrit”.

Specialistët për Hetimin e Krimeve, në Komisariatet e Policisë Korçë, Pogradec, Maliq, Kolonjë, filluan procedimin penal në gjendje të lirë ndaj shtetasve:

–  F.J, banues në fshatin Rëmenj, Pogradec, pasi në këtë fshat, ky shtetas duke djegur disa barishte i ka dalë zjarri nga kontrolli dhe për pasojë janë djegur rreth 3 hektarë kullotë dhe shkurre.

–  A.D, banues në fshatin Selenicë, Kolonjë, pasi në vendin e quajtur “Përroi i thellë Llobonicë”, afër këtij fshati, ka djegur rreth 5 dynym pyll.

–  E.K, banues në fshatin Pulahë, Korçë, pasi në vendin e quajtur “Kodra e Floqit”, ka ndezur një zjarr dhe për pasojë është djegur një sipërfaqe rreth 4000 m² me shkurre.

– O.M, banues në fshatin Klocë, Maliq, pasi në vendin e quajtur “Kamina”, ky shtetas ka djegur aksidentalisht me një cigare një sipërfaqe 20 m² bar, duke ndotur ajrin.

–  M.T, banues në fshatin Drithas, Maliq, pasi ky shtetas ka djegur rreth 2 dynym bar në tokën e tij, me qëllim pastrimin e saj, duke ndotur ajrin.

–  S.L, banues në Korçë, pasi ky shtetas në tokën e tij ka djegur disa mbeturina dhe goma duke ndotur ajrin.

–  S.P, banuese në Memlisht, Pogradec, pasi në afërsi të tokës në pronësi të saj, ka djegur mbeturina duke ndotur ajrin.

Materialet në ngarkim të tyre i kaluan Prokurorive të Rretheve Gjyqësore Korçë dhe Pogradec për veprime të mëtejshme.