Një tjetër rast i shpërndarjes së lëndëve narkotike në doza është goditur nga Policia e Korçës, në kuadër të operacionit policor të koduar “Dozat”, i zhvilluar në qytetin e Bilishtit.
Operacioni është finalizuar nga specialistët për Hetimin e Narkotikëve të DVP Korçë, në bashkëpunim me Komisariatin e Policisë Devoll, si pjesë e punës së vazhdueshme për parandalimin dhe goditjen e shpërndarjes së drogës në zonat urbane.
Si rezultat i operacionit, u arrestua në flagrancë shtetasi:
-
Edi Mullamake, 28 vjeç, banues në Bilisht, i cili shiste lëndë narkotike të dyshuar si kanabis, të ndarë në doza të gatshme për shpërndarje.
Gjithashtu, u procedua penalisht në gjendje të lirë:
-
A. B., 22 vjeç, banues në Hoçisht, Devoll, pasi dyshohet se kishte blerë një sasi kanabisi nga 28-vjeçari.
Gjatë operacionit, u sekuestruan në cilësinë e provës materiale:
-
Dhjetëra doza kanabisi të gatshme për shitje,
-
Një sasi kanabisi në formë boçe,
-
2 peshore elektronike,
-
2 aparate celularë.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme ligjore, për veprën penale “Prodhimi dhe shitja e narkotikëve”.
Policia e Shtetit vijon punën intensive për parandalimin dhe goditjen e veprimtarive kriminale që lidhen me trafikun dhe shpërndarjen e lëndëve narkotike.
