Policia e Korçës ka vënnë në pranga dy persona pasi posedonin armë pa leje. Mësohet se në pranga kanë rënë 20-vjeçari me iniciale R.L., dhe një 17 vjeçar, banues në Maliq.
Arrestimi I tyre erdhi pas kontrolleve të ushtruara nga policia pasi kjo e fundit kishte marrë informacione nga qytetarët të cilët janë treguar të gatshëm për të bashkëpunuar me policinë.
Njoftimi i policisë
Vijon bashkëpunimi midis komunitetit dhe Policisë.
Falë këtij bashkëpunimi, arrestohet në flagrancë një shtetas dhe procedohet penalisht në gjendje të lirë një tjetër, të cilët posedonin armë zjarri dhe municion pa leje.
Sekuestrohen një armë tip automatik dhe muncione luftarake.
Pas marrjes së një informacioni nga komuniteti, se në fshatin Pirg, dy shtetas qarkullojnë me armë zjarri, menjëherë shërbimet e Komisariatit të Policisë Maliq, kanë organizuar punën dhe falë reagimit të shpejtë në kohë, bënë të mundur kapjen dhe arrestimin në flagrancë të shtetasit R.L, 20 vjeç, banues në Korçë.
Si edhe filluan procedimin penal në gjendje të lirë për një 17 vjeçar, banues në Pirg.
Dy shtetasve të mësipërm iu gjet e sekuestrua në cilësinë e provës materiale një armë zjarri tip automatik, një krehër me 3 fishkë dhe 343 copë fishekë të tjerë të vendosur brenda një çante, të cilat i posedonin pa leje.
