Korea e Veriut thotë se ka testuar me sukses një lloj të ri të raketave balistike ndërkontinentale (ICBM) që mund të arrijë të godasë gjithë kontinentin Shtetet e Bashkuara.Televizioni shtetëror tha se Peniani ka arritur misionin e tij për t’u bërë një shtet bërthamor.
Sipas raportimeve të BBC, Raketa Hwasong-15, e përshkruar si “më e fuqishmja” ndonjëherë u lëshua në orët e vona të së mërkurës. Testi, i cili sfidoi sanksionet ndërkombëtare të vendosura mbi programin e armëve të Veriut, detyroi Këshillin e Sigurimit të OKB-së të thërrasë një seancë urgjente.
Koreja e Jugut e dha e para alarmin për këtë raketë. Kjo e fundit u përgjigj duke kryer stërvitje të drejtpërdrejta me zjarr, duke nisur dhe ajo një nga raketat e veta balistike.
Lajmi u raportua nga vetë mediat shtetërore koreano-veriore në një transmetim special gjatë mesditës në agjencinë e lajmeve KCNA.
Peniani tha se raketa arrin në një lartësi prej 4475 kilometrash dhe arrin të përshkojë 950 km në 53 minuta. Koreja e Veriut edhe më parë tha se raketat e saj mund të godasin Shtetet e Bashkuara të Amerikës, por kjo ishte hera e parë kur ata deklaruan se raketa e provuar së fundmi mund të godasë të gjithë kontinentin.(M.Q/Faxweb)
Discussion about this post