Inspektori i Lartë i Drejtësisë ka njoftuar se duke nisur nga dita e sotme, shërbimi ndja pritjes së qytetarëve në ambientet e këtij institucioni do të ndërpritet si masë parandaluese ndaj përhapjes së koronavirusit.
Sipas njoftimit të bërë publik për mediat, ILD bën me dije se kjo masë do të vijojë deri në një njoftim të dytë zyrtar ndërsa sqaron se ankesat qytetarët mund ti dorëzojnë postes apo adresave të vëna në dispozicion.
“Inspektori i Lartë i Drejtësisë njofton se duke nisur nga data 10/3/2020 shërbimi i pritjes me qytetarët në ambientet e ILD-së do të ndërpritet. Kjo në kuadër të rritjes së masave parandaluese për mospërhapjen e COVID-19 (Coronavirusi i ri) në mbrojtje të shëndetit të qytetarëve.
Deri në njoftim të dytë, ankesat mund t’i dorëzoni nëpërmjet postës ose mund t’i dërgoni me email në adresën: [email protected].
Ju falenderojmë për mirëkuptimin!”, njofton ILD.
(F.GJ/FAXWEB.AL)
Discussion about this post