Në kuadër të masave të marra ndaj koronavirusit Izraeli ka vendosur që të gjithë personat që hyjnë në këtë shtet të vendosen në karantinë për një periudhe 14 ditore.
Lajmin e vendimit e ka bërë të ditur vetë kryeministri Benjamin Netanyahu. “Të gjithë ata që vijnë në Izrael nga jashtë do të vendosen në izolim për 14 ditë,” tha ai në llogarinë e tij në Tëitter
Ministri i Brendshëm Aryeh Deri tha “se masa do të ishte efektive menjëherë për të gjithë izraelitët që kthehen në vend.
Kjo do të zbatohej për qytetarët e huaj nga e enjtja”, shtoi ai.
“Ata do të duhet të dëshmojnë se kishin akomodim të mjaftueshëm për t’u karantizuar gjatë qëndrimit në vend. “Pas një dite diskutimesh komplekse, ne morëm një vendim: të gjithë ata që vijnë në Izrael nga jashtë do të hyjnë në izolimin 14-ditësh,” tha zoti Netanyahu në një deklaratë.
“Ky është një vendim i vështirë, por është thelbësore për të ruajtur shëndetin publik – dhe shëndeti publik i paraprin gjithçkaje.”
Ai shtoi se aktvendimi do të ishte i vlefshëm për dy javë. Izraeli deri më tani ka regjistruar 42 raste të Covid-19, dhe nuk ka vdekje. Tashmë ka vendosur kufizime për udhëtarët që vinin nga disa vende përfshirë Italinë, vendin më të goditur nga Evropa.
Rreth 300,000 qytetarë do të izolohen në një vend me rreth nëntë milion banorë, raportojnë media izraelite.
Discussion about this post