Video e hoxhë Fatmir Latifaj po shpërndahet masivisht në rrjet ndërsa flet për origjinën e pandemisë së koronavirusit.
Ai hedh akuza të forta ndaj Kinës ndërsa shprehet se virusi ka ardhur si pasojë e ushqyerjes me kafshë dhe me shpend që nuk janë të zakonshme për shoqëritë normale.
Video është publikuar së fundmi nga Ylli Dylgjeri teksa përkrah saj shkruan “Konferencë për shtyp e Zëdhënësit të Allahut”.
“Pse kinezët janë ngritur peshë, si peshë? Ha zhapinin, e ha macen e ha njeriun. Ha njeriu kanibal, njerëzit kanë thënë të vjetrit e kanë një damar në ballë, me po u këput, krrëp, ç’ka ma bë, ha njerin, ha derrin, ha coftinën, e hajde thonë me hangër lakuriqin e natës. e zurën dhe pastaj duan ta bëjnë supë. Kush e ka provuar atë supë, edhe harami më shtrenjtë është. Hajde me pi supën e lakuriqit. A ta ka dhënë Zoti supën e pulës, qingjit. Shih çfarë bën dreqi. Kur i hajnë lakuriqat e paskën një sëmundje që kapërceka prej tij në gjarpër dhe pastaj në njeri. Pastaj duke vdekur mijëra njerëz. 11 milionë krejt e kanë bërë karantinë, duke vdekur njerëzit. A di çfarë zullumi po ia bëjnë ata myslimanëve, a e dinë çfarë zullumi bëjnë komunistat kinezë? Me na pru ne sëmundjen e lakuriqit këtu, Zoti mos e bëftë e na mbroftë”, thotë hoxha ndër të tjera.
(F.GJ/FAXWEB.AL)
