Paris Saint Germain nuk di të fitojë në këtë sezon të ri të Ligue 1. Parisienët pësuan disfatën e dytë radhazi në javën e 3-të të Ligue 1, pasi u mposhtën me rezultatin minimal 0-1 nga Marseille në klasiken e futbollit francez.
Ndryshe nga ekipi i Thomas Tuchel, skuadra e Andre Villas-Boas e ka nisur në mënyrën më të mirë këtë sezon duke marrë fitoren e dytë në po kaq takime, pasi ashtu si PSG edhe Marseille nuk e ka luajtur ndeshjen e javës së parë.
Sfida e “Parc Des Princes” u vendos nga një gol Florent Thauvin në pjesën e parë.
Në fraksionin e dytë të lojës të dyja skuadrat gjetën nga një gol, PSG me Di Marian dhe Marseille me Benedeton, por që u anuluan për pozicion jashtë lojë.
Sfida u mbyll me shumë tension me arbitrin kryesor që nxori 5 kartonë të kuq në shtesë për të qetësuar gjakrat pas një sherri mes lojtarëve të të dyja skuadrave, shkaktar kryesor i të cilit ishte Neymar Jr që i kthyer nga karantina tashmë me siguri do të pezullohet me disa ndeshje nga Komisioni i Disiplinës për grushtin pas koke që i dha kundërshtarit.
