Korreshi i bashkohet protestës kundër Hartës së re gjyqësore në Lushnje: Do të rriten kostot për qytetarët! 7 korriku? Opozitarizmi nuk bëhet vetëm në rrugë

Dhoma e Avokatisë Lushnje ka organizuar sot një protestë qytetare kundër hartës së re gjyqësore.

Qytetarët i janë bashkuar protestës për qëndrimin e gjykatës së shalloës së parë me moton “ti ruajmë vlerat dhe dinjitetin Lushnjes”.

Ata shprehen se largimi i këtij institucioni do ti zbehte vlerat qytetit.

“Sot qyteti i Lushnjës duhet të ishte këtu. Do të rriten kostot. E trishtë për cdo qytetar lushnjar që ka punë me drejtësinë. Do tu rriten shërbimet,. Nuk do të ketë të njëjtën cilësi shërbimi me këto distanca.

Qëndrimi im e një pjese të mirë të shoqërisë, jam i bindur se kjo kauzë është e drejtë. Humb cilësia. Do të humb edhe shërbimi. Do të ikin prokuroria, shërbimi i provës. Lushnja do ta vuaj këtë  dhe nëse nuk reagojmë sot, nëse na shohin të gjithë bashkë jam i bindur që do e kthejnë pas. 7 korriku nuk ka lidhje vrtëm me gjykatat. Shqipëria ka humbur identitetin e saj, kemi 9 vite që protestojmë. Njerëzit zgjidhin të ikin nga Shqipëria. Unë mendoj se nuk duhet të zbeh asnjë lloj proteste. Opozitarizmi nuk bëhet vetëm në protesta në rrugë, por edhe në institucionet. Kemi vetem një handikap që është i madh, që PD është e përcarë. Nëse do ekzistonte, mendoj që do i jepte zgjidhje kësaj. Duke faktuar hajdutërinë”- u shpreh Korreshi.

Të pranishëm në mbështetje të kësaj kauze kanë qenë dhe deputeti i Partise Demokratike Saimir Korreshi dhe kryetari i PD-së Eduart Sharka.