Në vijim të intervistës me Arben Llangozin, u diskutua dhe për fatin e ish-ministrit të Shëndetësisë, Ilir Beqaj.
I pyetur nga Albi Rakip nëse Beqaj do të jetë drejt prangave. Llangozi u përgjigj:
“Beqaj, normale që do të jetë drejt prangave. Beqaj akuzohet për shpërdorim detyre, por Gjykata e Posaçme duhet të tregohet e vëmendshme për akuzat, pasi rrezikon që ajo të ndryshojë. Ai rrezikon më tepër se sa është marrë i pandehur. E pandehur mund të jetë dhe e preferuara e zotit Rama, Manastirliu. Së shpejti, ajo do të jetë në të njejtat kushte, ose më keq se Beqaj”, u shpreh Llangozi.
Rreth fenomenit të vuajtjes jo të plotë të dënimit të të gjithë të korruptuarve, duke marrë parasysh që dënimi maksimal mund të ketë qenë të paktën 2 vjet, Llangozi tha se këtu kemi të bëjmë me një organizim të mirëfilltë në goditje kundër prokurorëve dhe gjyqtarëve.
Megjithatë, ai tha se SPAK po jep rezultate më të larta. Llangozi foli dhe për ish-ministrin Ahmetaj dhe bëri me dije se atë nuk e pret një dënim minimal, por të paktën 20 vjet.
Ai përsëri u shpreh se Prokuroria e Posaçme duhet të jetë e kujdesshme në caktimin e masave, pasi pasuria e individëve të korruptuar, ndodhet jashtë Shqipërisë.
Discussion about this post