Forcimin e marrëdhënieve të Serbisë me Rusinë dhe Kinën, avokati, Altin Goxhaj i shikon si tantativa e krijimit të një fenomeni të panjohur më parë botërorë, që është ç’njohja e pavarësisë së Kosovës nga vendet që e kanë njohur.
Sipas tij, pas përfundimit të procesit zgjedhor, diçka është e sigurt, nuk do të ketë shkëmbim apo korrigjim të kufinjve aktual, ndërsa uron që këto zgjedhje të jenë të lira dhe demokratike.
“Kosova ka tjetër kulturë zgjedhore nga Shqipëria. Në vitet ’90 deri në çlirimin e saj ka luftuar për lirinë dhe të drejtat e veta, për shkak edhe të luftës dhe gjakut që kanë derdhur për këtë punë. Lufta për zgjedhje në Shqipëri ka qenë paqësore, me një lloj marrëveshjeje dhe Shqipëria e ka pasur dhuratë që që ka bërë edhe të abuzojnë. Ndërsa shqiptarët e Kosovës kanë derdhur gjak për këtë çështje dhe e respektojnë këtë të drejtë.
Por nga ana tjetër ndjej keqardhje që edhe në politikën kosovare ka ndërhyrë Sorosi. Kosova ka një eksperiencë të gjatë më Sorosin por të ekulibruar në një farë mënyre nga ndërkombëtarët. Do të thoja se në Kosovë tashmë Sorosi po gjen terrenin e duhur dhe gabimi më i madh që bëri Haradinaj është marrëveshja me Shpend Ahmetin. Rreziku që vjen është nga qasja e marrëveshjes Serbi-Kosovë nga mosrespektimi i qëndrimit amerikan. Ndryshim territoresh nuk do të ketë dhe kjo është një marrëveshje që e kanë pranuar të gjithë. Uroj një bashkëpunim sa më të ngushtë të qeverisë së re të Kosovës për një marrëveshje të mbështetur nga amerikanët pa shkëmbim të territoreve”.
I pyetur se kush është personi më i afërt me Sorosin në Kosovë, Goxhaj tha:
“Të gjithë kanë lidhje më Xhorxh Sorosin në politikën kosovare. Thaçi është indoktrinuar nga Rama, Albin Kurti e ka pranuar vetë ndërsa Shpend Ahmeti krenohej për lidhjen që kishte me Sorosin duke drejtuar edhe një segment të vetin në këtë vend”.
“Unë falenderoj Fax News si televizion i që ka hapur një dritare me anë të të cilës do të futet në histori për zbërthimin një më një të shkatërrimit që Sorosi po i bën Shqipërisë”, shtoi më tej Goxhaj.
Avokati foli edhe për shpopullimin e vendit dhe debatin që është hapur mbi një projektligj të propozuar për pranimin e shtetasve të huaj për zëvendësimin e krahut të punës.
Sipas tij, i pari që e ka propozuar diçka të tillë është biznesmeni i njohur Zamir Mane, për të cilin theksoi se nuk kishte diçka kundër, por që si një sipërmarrës i fortë ka propozuar që në dyqanet e tij të punojnë shtetas të huaj, të tregtojnë shtetas të huaj dhe të konsumojnë shtetas të huaj.
“Kjo është një politikë dhe axhendë sorosiane. Shpopullimi i Shqipërisë është diçka e planifikuar. Është fakt se një nga sipërmarrësit më të fuqishëm në vend ka bërë një propozim një vit më parë. Unë, më kuptoni, nuk kam asgjë kundër tij, por Zamir Mane një vit më parë propozoi diçka të tillë të ngjashme me projektligjin për ftesën ndaj të huajve që të zëvendësojnë shqiptarët që kanë ikur nga vendi si krah punë. Është në interes të tij që të punësojë shtetas të huaj, shtetasit e huaj të tregtojnë nëpër dyqanet e tij, madje ata të jenë edhe konsumuesit e produkteve dhe shërbimeve që ai ofron”, tha ai në studion e lajmeve të Fax News
Kujt do ti interesonte largimi i shqiptarëve nga Shqipëria dhe zëvendësimi i tyre me shtetas ë huaj?
“Është një axhendë e Sororsit. Sorosi shpopullon vendet, ai ka një axhendë të posaçme ku për Shqipërinë ka pazare në Greqi dhe Serbi. Ka qenë gjithmonë me shërbimet secrete greke. Sorosi ka për qëllim zëvendësimin e popullsive, në një vend ku ai ndërhyn nuk do të ketë popullsi vendase. Fëmijët janë shkaku që prindërit ikin, dhe Koalicioni për Shqipërinë është shpëtimi i fëmijëve. Qeveria nxit prindërit që duke mos bërë politika në shërbim të fëmijëve të tyre, ikin nga vendi. Ndaj programi ynë fillon dhe mbaron tek fëmija”, tha Goxhaj.
https://www.facebook.com/faxweb.al/videos/696032617542335/
(F.GJ/FAXWEB.AL)
Discussion about this post