Kosova është një ndër shtetet më të prekura nga koronavirusi në rajon ku rezultuan pozitiv shumë persona. Përveç situatës pandemike Kosova po përballet edhe me një krizë politike që prej rrëzimit të qeverisë Kurti. Këto dy kriza kanë bërë që Kosovës ti faturohet një shumë e madhe dëmesh që arrijnë në 700 milion euro për rimëkëmbjen ekonomike.
Ministria e Financave dhe Transfereve ka filluar përgatitjen e planit për Pakon e rimëkëmbjes ekonomike. Për këtë çështje është paraparë të formohet edhe një komisioni.
Ky komision parashihet të ketë partneritet me shoqatat, Odat ekonomike si dhe botën akademike. Zëvendësministri i Financave dhe Trasnfereve, Agim Krasniqi tha se nevojitet një bashkërendim që Pakoja e rimëkëmbjes ekonomikë të jetë funksionale dhe në drejtim të bizneseve.
“Idetë e para për Pakon e rimëkëmbjes ekonomike janë përgatit nga Ministria e Financave ku do të marrin pjesë edhe disa ministra të linjës, janë të ftuar edhe përfaqësues të Odave dhe shoqatave dhe botës akademike. Këto ide që ka MF dhe bizneseve me i vendos brenda pakos.Jemi në përgatitje të komisionit, por nuk kemi diçka konkrete. Në kuptimin e përgatitjes po, ministri ka idetë por ato duhet me i diskutua me partnerët që kjo pako me qenë funksionale me iu përgjigj bizneseve me mundësitë që ka Kosova”, ka thënë Krasniqi.
Me tej, Krasniqi deklaroi se nevojitet edhe ndryshim i bazës ligjore për menaxhim të financave publike që Qeveria të marr kredi dhe letra me vlerë.
Ai tha se priten deri në 200 milionë euro më pak të të hyrave, derisa tha se duhet të përgatitet ”injeksioni” që në total kap shifrën prej 700 milionë euro për rimëkëmbje ekonomike.
