Pas deklaratës tronditëse të priftit malazez Radomir Nikçeviç i cili nga Shkodra pas meshës u shpreh i bindur se Kosova është Serbi ka folur për “Fax News”, At Nikolla Petani, drejtues i Kishës Ortodoke Shkodër.
“Distancohemi nga deklaratat e priftit malazez. Unë ka shkuar me vonesë në meshë sot dhe nuk kamqenë i pranishëm për këto deklarata antishqiptare. Ato janë pakica serbe dhe ligji kanonik thotë që meshën ta mbajnë në gjuhën e tyre.”, u shpreh Petani.
“Fax News” raportoi pak minuta më parë se pakica serbe dhe malazeze kanë festuar Krishtlindjet në kishën e Vrakës në Shkodër. Prifti malazez i kishës ortodokse, Radomir Niçkeviq kremtoi meshën e shenjtë përpara besimtareve të pranishëm. Pas meshes Niçkeviq deklaroi para mediave se vlerëson ligjin e miratuar nga parlamenti shqiptar për minoritetet.
Niçkeviç i pyetur për qëdrimin e kishës ortodokse në Malin e Zi u shpreh se Kosova është një vend i shenjtë i Serbisë. Kleriku shtoi më tej se në Kosovë, Serbia ka shume kisha dhe vende të shenjta. Niçkeviq deklaroi gjithashtu qartazi se Kosova është Serbi, ndërsa beri thirrje për të jetuar në harmoni duke qenë se Ballkani është një vend i bekuar nga Zoti. Duhet të themi që Vraka është një fshat i cili ka në përbërjen e tij shtetas me origjinë serbe. Duhet të theksojmë që vetëm një muaj më parë ministri i Jashtëm Ditmir Bushati ishte në takim me këtë minoritet dhe nuk bëri asnjë koment në lidhje me njohjen e Kosovës. (J.V/Faxweb)
Discussion about this post