Kosova si shumë shtete të tjera në botë ka marrë masat për frenimin e përhapjes së koronavirusit në vend duke u vendosur në karantinë.
Si pasojë e karantinimit nuk kanë munguar edhe incidentet ku më i fundi ishte me pasojë e humbjen tragjike të jetës së 26 vjeçarit nga Gjilani, Agon Musliu, i cili ishte hedhur nga konviktet në Prishtinë ku po qëndronte në karantinë,
Pas këtij fakti vihet re edhe një tjetër gjë ajo e disa dokumenteve që janë bërë publike me kërkesat që i janë drejtuar Qendrës Operative të Ministrisë së Punëve të Brendshme.
Në to thuhet se me datë 1 maj është dërguar letra e parë me kërkesë që t’i lëshohet leja e qarkullimit babait të të ndjerit, i cili siç pretendon QOE Gjilan, kishte reklamuar dokumente që Agoni ishte sëmurë nga mëlçia.
Letra tjetër shpalos shkëmbimin e letrave në mes të dy Qendrave Operative, ku me datë 2 maj si kërkesë emergjente është që Agoni të kontrollohet urgjentisht nga neuropsikiatri sepse siç thuhet aty, ai ishte depresiv.
Kësaj kërkese i është përgjigjur Qendra Operative Emergjente pas disa minutash, duke i thënë se e kanë përcjellë kërkesën e tyre për angazhim të ekipeve mjekësore në Karantinën e Qendrës së Studentëve.
Discussion about this post