Kosova e cila po përballet me një krizë politike të pazakontë për situatën që po kalon vendi duket se po shkon drejt një qeverie të re pas rrëzimit të qeverisë Kurti. Kujtojmë se qeveria në Kosovë u rrëzua nga prishja e koalicionit mes VV dhe LDK-së.
Por që nga ajo ditë po bëhen përpjekje për krijimin e një qeverie të re që duket se është gati. I nominuari i LDK-së për kryeministër, Avdullah Hoti, ka thënë se edhe AKR-ja do të jetë pjesë e qeverisë së re
“Besoj që janë marrëveshje që marrin parasysh peshën që ka secili prej partnerëve dhe jemi të vetëdijshëm që do ta marrim qeverisjen në një situatë të vështirë dhe me nevojë të investojmë në ekonomi dhe jemi të përgatitur me një ekip që t’i përmbyllim të gjitha çështjet”,-tha Hoti.
LDK thotë se i ka votat, madje sipas tyre i kanë 64 derisa nevojiten 61 vota për formimin e qeverisë së re. LDK synon të bëj koalicion bashkë me AAK-në, Nismën, AKR-në dhe minoritetet pas shkarkimit të qeverisë Kurti.
