Ditën e nesërme zhvillohen zgjedhjet në Kosovë dhe sot është heshtja zgjedhire. Më shumë se 1.7 milion qytetarë me të drejtë vote do të vendosin nesër, më 11 qershor për përbërjen e re të Kuvendit të Kosovës. Sipas “Zërit” Komisioni Qendror i Zgjedhjeve kka njoftuar KQZ-ja, e cila ka bërë të ditur se ka certifikuar rreth 30 mijë vëzhgues dhe ka bërë gati të gjitha materialet e nevojshme.
Nga ana tjetër, edhe Policia e Kosovës ka njoftuar se tashmë ka hartuar planin operativ, ku një numër i konsiderueshëm i pjesëtarëve të PK-së pritet të angazhohen këtë të diele.
Ndërkohë edhe përfaqësuesit e rrjetit të organizatave Demokracia në Veprim, kanë thënë se pavarësisht afatit të shkurtër kanë arritur t’i kryejnë të gjitha përgatitjet operuese për vëzhgimin e procesit zgjedhor.
Po kështu pritet të jetë i pranishëm edhe misioni i OSBE-së, mirëpo jo për t’i monitoruar zgjedhjet, por për të ofruar mbështetje teknike. (J.V/Shuplaka)
