Kosova ka vendosur të mos lejojë Marko Gjuriç (Marko Đurić) të hyjë në territorin e saj, pas kërkesës së tij. Mësohet se Ministria e Punëve të Jashtme nuk ka marrë në konsideratë kërkesën për leje që shefi i Zyrës për Kosovën në Qeverinë e Serbisë ka paraqitur.
Ky vendim i Ministrisë së Punëve të Jashtme ka ardhur pas informacioneve se Đurić së bashku me disa zyrtarë të tjerë do të vizitonin sot disa pika karburanti në Kosovë, të cilat nuk janë të licensuara nga autoritetet kosovare.
Zyrtarit serb për Kosovën i lejohet hyrja vetëm me leje parapraka nga Ministria e Jashtme e Kosovës, ku duhet që ai të raportojë paraprakisht mbi axhendën e tij.
