Kosova ditën e djeshme u përball me rrëzimin e qeverisë në Parlament. Tashmë vendit do të duhet të shkojë në zgjedhje të parakohshme.
Ndërkohë që njëra nga dy datat jep mundësinë që Kosova të mbajë zgjedhje në të njëjtën ditë si Shqipëria në 18 qershor.
Kreu i Komisionit Qendror të Zgjedhjeve në Kosovë Betim Gjoshi ka thënë se data e mundshme për zgjedhjet e parakohshme në vend, janë 11 ose 18 qershori. Këtë deklaratë Gjoshi, e dha në “Ora e Fundit” në Klan Kosova, ku shtoi se pritet të ketë një numër të jashtëzakonshëm të pjesëmarrësve në këto zgjedhje.
”Është hera e tretë që po shkojmë në zgjedhje të jashtëzakonshme. Ky është momenti i paraparë edhe me Kushtetutën e Kosovës. Në bazë të afateve ligjore ka dy data të mundshme 11 apo 18 qershor.
Një parti e re mund të aplikojë për zgjedhje por është vështirë të zë afatin për këto zgjedhje. Menjëherë pas vendimit të Presidentit, do të krijojmë afate treditore për të pasur diskutime për partitë që vendosin të shkojnë në koalicione”, është shprehur Gjoshi nga KQZ e Kosovës. (E.K/SHUPLAKA)
