Zgjedhjet në Kosovë nuk kanë regjistruar asnjë incident. Vërtet që kanë përfunduar në mënyrë model, siç e përcakton edhe gazetari Denis Dyrnjaja.
”Kosova vlerë për zgjedhjet. I filloi dhe mbaroi në mënyrë model. Fituesi gëzon, humbësi pranon, jeta vazhdon.
Fundjavë demokratike në Kosovë, bravo e madhe për këtë qytetari dhe civilizim politik!”, shkruan Dyrnjaja këtë mëngjes.
KQZ-ja e Kosovës bëri me dije se pjesëmarrja e qytetarëve në votime ka qenë 41 për qind ose mbi 759 mijë qytetarë.
Ndërkohë që kur janë numëruar rreth 91% e kutive të votimit rezultatet paraqesin fitues koalicionin e Luftës, siç quhet ndryshe mes LDK-së, AAK-së dhe Nismës. Në vend të dytë ndryshe nga ç’pritej është vendosur Partia e Vetëvendosjes, ndërsa vetëm të tretët është renditur koalicioni mes dy partive tradicionale LDK-AKR.
Koalicioni PDK-AAK-NISMA tashmë ka 34.97% të votave, e dyta është Vetëvendosja me 26.09%, të tretët janë koalicioni LDK-AKR-Alternativa me 25.63%.
Edhe në Shqipëri do të zhvillohen zgjedhjet e përgjithshme më 25 qershor, por a do të arrijmë t’i kemi po kaq të qeta e model sa në Kosovë?! (V.G/SHUPLAKA)
