Analisti politik, Shkëlzen Maliqi, ka thënë se bllokada politike në Kosovë duhet të zgjidhet, pasi ajo nuk mund të vazhdojë pafundësisht.
Ai thotë se për këtë të gjitha partitë politike duhet të lëshojnë nga pak në mënyrë që të gjendet kompromisi për krijimin e institucioneve të reja.
Në një intervistë për “Epoka e re”, Maliqi ka deklaruar se nëse liderët partiakë nuk arrijnë të merren vesh deri të mërkurën, atëherë presidenti i vendit duhet t’i thërrasë në takim dhe ta gjejë çelësin për ta çuar përpara procesin e konstituimit të Kuvendit.
Duke theksuar se asnjëri nga koalicionet nuk i ka votat, Maliqi ka thënë se variant që PAN t’i bëjë 61 deputetë ekziston dhe është i mundur por sipas tij një qeveri me 61 deputetë është e dobët. Në Kosovë vazhdon bllokada politike. Seanca e fundit për konstitimin e kuvendit u ndërpre për shkak se PDK nuk mori pjesë. (B.H/Shuplaka)
