Ministrja në detyrë për Dialog, Edita Tahiri, ka deklaruar se qeveria e re e Kosovës e ka në dorë që të ndryshoj formatin e dialogut. Ajo është shprehur se në dialog duhet të jenë të gjithë të përfashirë, madje edhe opozita duhet ta mbështetsë.
Ajo ka thënë se se në diskutimet për formatin e dialogut duhet të përfshihen Presidenca, Kuvendi dhe Qeveria. Sipas Tahirit, edhe opozita e ardhshme duhet ta mbështesë dialogun, madje të jetë edhe pjesë e këtij procesi.
Në intervistën e dhënë për “Epoka e Re” në Kosovë, ministrja për dialog ka thënë se bisedimet me serbinë janë në fazën finale dhe duhet një gjithëpërfshirje ashtu siç kishte ndodhur gjatë negociatave të vjenës ku është diskutuar statusi final i Kosovës.
Kujtojmë se Edita Tahiri ka qenë një ndër personat më të kritikuar për negociatat mes Kosovës e Serbisë në Bruksel, sipas opozitës në dialog serbisë i ishin bërë lëshime të mëdha. (B.H/Shuplaka)
