I nominuari për kryeministër i koalicionit PDK, AAK dhe Nisma, Ramush Haradinaj ka votuar në Kosovë në Shkollën e Mjekësisë “Ali Sokoli” në Prishtinë.
Në Kosovë garojnë për kryeministër Albin Kurti nga Vetëvendosje, Ramush Haradinaj nga koalicioni PDK, AAK, Nisma dhe Avdullah Hoti nga koalicioni LDK-AKR.
Pas votimit Haradinaj u ka bërë thirrje qytetarëvë që të dalin në votim dhe të vendosin për fatin e tyre.
“Votova sot bashkë me Anitën, ju bëj thirje qytetarëve të dalin në votime… vota ka rëndësi dhe vendimi i sotëm e ka peshën e vet”, tha ai.
Mbi 1 milion e 872 mijë qytetarë me të drejtë vote do të vendosin se kush do ta qeverisë Kosovën në mandatin e ardhshëm. Me votën e tyre, qytetarët do ta caktojnë përbërjen e ardhshme të Kuvendit, i cili ka 120 ulëse.
(B.H/Shuplaka)
Discussion about this post