Trupi gjykues i Kolegjit të Posaçëm të Apelimit (KPA) ka marrë vendimin për çështjen nr. 38/2022, datë 06.09.2022, që lidhet me ankimin e gjyqtarit Altin Abdiu kundër vendimit të Komisionit të Pavarur të Kualifikimit (KPK).
Në përfundim të shqyrtimit në dhomë këshillimi, trupi gjykues i përbërë nga Ina Rama (kryesuese), Sokol Çomo (relator), dhe anëtarët Albana Shtylla, Natasha Mulaj dhe Rezarta Schuetz, vendosi me shumicë votash të ndryshojë vendimin nr. 543, datë 28.06.2022 të KPK-së dhe të konfirmojë në detyrë subjektin e rivlerësimit, Altin Abdiu.
Vendimi u bazua në nenin 66, pika 1, germa “b” të ligjit nr. 84/2016, “Për rivlerësimin kalimtar të gjyqtarëve dhe prokurorëve në Republikën e Shqipërisë”.
Ky vendim është përfundimtar dhe me efekt të menjëhershëm.
U shpall sot, më 27 maj 2025, në Tiranë.
