Djegia e mandateve nga ana e deputetëve të opozitës, ka bërë që Komisioni Qendror i Zgjedhjeve të nisë procedurat e tij, për zëvendësimin e tyre me emrat që vijnë pas kandidatëve fitues në zgjedhjet e qershorit të të 2017.
KQZ ka ftuar kandidaten për deputete, Ina Haxhija për të zëvendësuar ish-kryeministrin Sali Berisha, por me anë të një reagimi të shkurtër shoqëruar edhe me një foto të kërkesës së KQZ, ajo ka shkruar në rrjetet sociale”
‘Më vjen keq, por nuk e zëvendësoj dot’.
Kujtojmë se Kuvendi ka shpallur zyrtarisht vakancat në parlament, dhe KQZ tanimë pritet t’ju kaloje mandatet pasuesve në listën e opozitës.
Pavarësisht se shumica e kandidatëve kanë rënë dakort që të mos e pranojnë marrjen e mandatët, qarkullojnë zëra se një grup prej rreth 11 deputetësh do të formojnë grupin e ri opozitar në Parlament, pjesë e të cilëve deri më tani që janë shprehur publikisht jana Myslim Murrizi nga PD dhe Lefter Koka nga LSI.
Ndërkohë edhe deputeti Nard Ndoka dhe Rudina Hajdari të dalë nga lista e PD-së ende nuk i kanë dorëzuar mandatet e tyre.
(F.GJ/FAXWEB.AL)
