Komisioni Qendror i Zgjedhjeve, ditën e premte, ka parashikuar mbledhje dhe ne rendin e dites ka edhe zevendesimin e dy deputeteve ne Kuvendin e Shqiperise, Shkelqim Selami dhe Dashamir Tahiri, pasi ketyre iu hoq mandati per shkak se ishin subjekt i ligjit te dekriminalizimit.
KQZ pak dite me pare vendosi t’u heqe mandatet dy deputeteve, te LSI dhe PDIU. Por nje dite me parë te dy e ankimuan vendimin ne Gjykaten Administrative. Sakaq, me mbledhjen e neserme, KQZ e ben fakt te kryer zevendesimin e tyre, edhe pse gjykata nuk eshte shprehur akoma.
Njoftimi per mbledhjen e KQZ:
Më datë 06.01.2017, ora 12:00, KQZ zhvillon mbledhjen me këtë rend dite: Projekt-vendim: “Për dhënien e mandatit të deputetit të Kuvendit kandidatit të listës shumemërore të Partisë Lëvizja Socialiste për Integrim, në Qarkun Vlorë, për plotësimin e vakancës së njoftuar nga Kuvendi i Shqipërisë pas heqjes së mandatit të deputetit të z. Shkëlqim Selami”. Projekt-vendim: “Për dhënien e mandatit të deputetit të Kuvendit kandidatit të listës shumemërore të Partisë Drejtësi Integrim dhe Unitet, në Qarkun Vlorë, për plotësimin e vakancës së njoftuar nga Kuvendi i Shqipërisë pas heqjes së mandatit të deputetit të z. Dashamir Tahiri”.
Sipas procedurave ligjore, dy deputetët do të zëvendësohen nga emrat që vijnë në radhë nga listat partiake. Në listat e LSI-së, në qarkun e Vlorës ku Selami doli fitues, pas tij rezulton të jetë Flamur Çelaj, i cili aktualisht mban postin e drejtorit ekzekutiv të Autoritetit të Aviacionit Civil. Por, Çelaj mund të leshoje vendin Katina Gogas, e cila është e 3-ta në listën e kandidateve per deputetë të LSI në Qarkun e Vlorës, për shkak se ligji parashikon më shumë përparësi për gjininë femërore. Ndersa, deputeti Dashamir Tahiri, i zgjedhur në Qarkun e Vlorës nga listat e PDIU, do ti lërë mandatin e deputetit Edmond Zejnos.
