Komisioni Qendror Zgjedhor në Kosovë ka mbajtur një konferencë për mediat, në të cilën ka treguar numrin e votuesve në zgjedhjet e sotme.
Kryetarja e KQZ, Valdete Daka ka bërë të ditur se në zgjedhjet e sotme kanë votuar 749 mijë votues, apo 41 për qind e qytetarëve.Ndërsa, në vitin 2014, kishte pasur 750 mijë votues, apo 42 për qind e votues. Pra, në këto zgjedhje ka rënie krahasuar me zgjedhjet e kaluara.
Ajo ka thënë se deri tani procesi ka shkuar në rregull dhe ka vlerësuar kulturën e lartë demokratike të qytetarëve të Kosovës.
Daka tha se nuk merret me rezultate qe jepen nga organizata dhe grupe. (M.D/Shuplaka)
