Kryetari i Komisionit Qendror të Zgjedhjeve, Klement Zguri, i ka dërguar një letër Kryeministrisë, ministrive, kryetarëve dhe prefektëve të qarqeve ku shpreh shqetësimin për problemet e hasura së fundmi në trajtimin e komisionerëve dhe vonesat në dhëniën e lejeve për komisionerët në trajnim.
Në letër, ngrihet shqetësimi i mosparaqitjes së komisionerëve në detyrë përkundër afateve të limituara në kuadër të zgjedhjeve të 25 qershorit që po afrojnë.
“Komisioni Qendror i Zgjedhjeve ngre shqetësimin për pengesat që po i shkaktohen komisonerëve zgjedhorë, të cilët janë në marrëdhënie pune. Pranë KQZ-së janë depozituar shqetësime lidhur me vonesat e lejeve për nëpunësit e emëruar si komisonerë zgjedhorë me vendim të KQZ-së.”, citohet ndër të tjera në letrën e KQZ-së.
Letra:
KQZ ngre shqetësimin për pengesat që po i shkaktohen komisionerëve zgjedhorë të cilët janë në marrëdhënie pune.
Pranë KQZ-së janë depozituar shqetësime lidhur me vonesat në dhënien e lejeve për nëpunësit e emëruar komisionerë zgjedhorë me vendim të KQZ-së.
Komisionerët të cilët nuk kanë marrë leje nga institucionet përkatëse nuk po paraqiten në detyrë.
Për këtë shkak KZAZ nuk po respektojnë orarin e punës të përcaktuar me udhëzim dhe po pengohen të kryejnë veprimtarinë e tyre për administrimin e procesit në zonën e Administritmit Zgjedhor.
Në procesin zgjedhor afatet janë të ngushta, respektimi i tyre kërkon përkushtim, përgjegjshmëri dhe dinamizëm.
Mosrespektimi qoftë edhe i një afati ligjor përbën shkak për vonesa për respektimin e afateve në vijimësi duke cënuar organizimin e procesit zgjedhor.
Nëse kjo situatë problematike e krijuar vetëm për 720 komisionerët e KZAZ-ve vijon edhe për rreth 37 mijë komisionerët e KQV dhe GNV rrezikohet organizimi i procesit zgjedhor të datës 25 qershor 2017.
KQZ kërkon përgjegjshmëri nga të gjithë drejtuesit e administratës publike në nivel qëndror apo lokal të reagojnë menjëherë.
(XH.A/SHUPLAKA)
Discussion about this post