KQZ-ja vazhdon me të sajën: Kandidatët të dorëzojnë formularin e dekriminalizimit dhe CV-në online

Pavarësisht se partitë politike ende nuk e kanë ndarë mendjen nëse do të ketë apo jo zgjedhje KQZ-ja vijon me përgatitjet e saj.

Sot në një deklaratë për mediat zëdhënësja e këtij institucioni është shprehur se listat e kandidatëve për deputetë duhet të dorëzohen në formatin elektronik.

Duhet thënë se Partitë Politike vijojnë të jenë mjaft të ndara, për opozitën zgjedhje në 18 qershor nuk ka e justifikuar kjo dhe nga tejkalimi i të gjitha afateve ligjore për t’u regjistruar.
Kandidatët për deputetë në zgjedhjet e qershorit duhet të plotësojnë formularin e dekriminalizimit dhe një CV të cilat do të bëhen publike në faqen online të Komisionit Qendror të Zgjedhjeve.

“Kandidatët për deputetë duhet të dorëzojnë formularin e dekriminalizimit dhe një CV të secilit kandidat të firmosur prej tyre.  Kjo CV dhe formulari i dekriminalizimit do të jetë online në faqen e KQZ”, u shpreh Hoxhaj. 
Publikimi online i informacionit të kandidatëve për deputetë është një risi që u prezantua sot nga zëdhënësja e KQZ, Drilona Hoxhaj.

29 prilli afati i fundit i pranimit të listave 
Hoxhaj gjithashtu ka ritheksuar se data 29 prill është afati i fundit i pranimit të listave të kandidatëve për deputetë. 

“29 prilli është afati i fundit i pranimit të listave. KQZ fillon fillon më pas verifikimin e dokumenteve dhe e mbyll procesin me 5 maj”, tha Hoxhaj. (E.K/SHUPLAKA)