KQZ me “dorë të hekurt”: Ndalohet publikimi i sondazheve këto 5 ditë

Në ditët e fundit të zgjedhjeve, Komisioni Qendror i Zgjedhjeve, ka ndaluar publikimin e rezultateve të sondazheve në 5 ditët e fundit të fushatës.

KQZ i referohet Kodit zgjedhor, i cili përcakton se sondazhet nuk mund të publikohen 5 ditë përpara zgjedhjeve.

“Të nderuar kolegë, Më lejoni që tju sjell në vëmendje nenin 78, pika 3 të Kodit Zgjedhor i cili përcakton se; ‘Rezultatet e sondazheve zgjedhore nuk mund të publikohen gjatë 5 ditëve të fundit para datës së zgjedhjeve, përfshirë edhe datën e zgjedhjeve deri në orën e mbylljes së votimit’.”, thuhet në njoftimin e KQZ. (D.D/Shuplaka)