Komisioni Qëndrorë i Zgjedhjeve nëprmjet një deklarate ka reaguar në lidhje me mandatin e kryebashkiakut të Mallakastrës Agron Kapllanaj pas akuzave të PS se dokumentacioni i prokurorisë për Kapllanajn ishte fshehur nga kreu i KQZ-së.
KQZ sqaron se kjo është e pavërtetë duke thënë se akti që ekziston nuk falsifikohet, ndërsa akuzën e PS-së e quan furtunë në gotë.
DEKLARATA:
“Dje media e ineteresuar shqiptare zbuloi te verteten rreth akuzes publike te perhapur nga zyra e grupit parlamentar te Partise Socialiste per gjoja “fshehjen” e praktikes Kapllanaj nga ana e Kryetarit te KQZ-se, duke bere nje verifikim te thjeshte ne zyren e protokollit te KQZ-se. Verifikimi me protokollin e Administrates sone provoi se praktika ne fjale eshte percjelle nga kryetari per veprim ne kohe rekord. Akuza per “fshehje” u provua dje se ishte furtune ne gote. Sot ne “goten” e KQZ-se shpertheu “furtuna” e radhes, akuza per fallsifikim te vendimit te KQZ-se per ceshtjen Kapllanaj, perseri nga ana e Kryetarit.
Kete prononcim publik, e bej per te sqaruar dy fakte te thjeshta juridike:
1. Kryetari i KQZ-se nuk ka detyre, nuk kryen, nuk merr pjese dhe nuk drejton zbardhjen e akteve te KQZ-se. Zbardhja e akteve eshte detyre e administrates, eshte proces teresisht teknik dhe reflekton besnikerisht debatin dhe qendrimet e shprehura dhe te dokumentuara ne mbledhjen e KQZ-se;
2. Deri ne momentin e kesaj deklarate nuk ka ende vendim te zbardhur per ceshtjen ne fjale. Akti qe nuk ekziston nuk fallsifikohet dot. Edhe kjo eshte nje e vertete e thjeshte per tu kuptuar.
3. Lidhur me draft vendimin ka debat midis anetareve persa i perket permbajtjes, sepse anetaret nismetare kerkojne qe vendimi te reflektoje vetem arsyetimin e tyre dhe voten kunder te shumices, kurse nje pjese e anetareve qe kane votuar kunder kerkojne qe vendimi te reflektoje arsyetimin e shumices. Ky eshte debat i brendshem banal, i cili sa here ndodh zgjidhet me qetesi dhe ne fryme bashkepunimi.
Per fat te keq, qetesia dhe fryma e bashkepunimit kane marre arratine qe diten qe KQZ-ne e hodhen ne syrin e ciklonit politik.
(B.H/Faxweb)
Discussion about this post