Komisioni Qëndror i Zgjedhjeve sot në orën 12:00 do të zhvillojë një mbledhje ku ndër të tjera do të diskutohet për mandatin e deputetit, Vladimir Kostës. Në KQZ- ditën e sotme pritet të diskutohet mandati i deputetit Vladisir Kosta pasi Prokuriroa e Përgjithshme ka kërkuar heqjen e mandatit pasi sipas saj rezulton i dënuar nga gjykata dhe për këtë i ka dëguar një kërkesë KQZ-së.
Sipas Prokurorisë së Përgjithshme, Vladimir Kosta ka qenë i dënuar në vitin 2000 për armëmbajtje pa leje dhe është dënuar me 100 mijë lekë nga kjo gjykatë.
Po pas publikmi të këtij lajmi ka reaguar edhe vetë deputeti i cili është shprehur: “Keqardhje për përdorimin politik të institucioneve. Jam njohur sot nga media me një kërkesë që Prokuroria e Përgjithshme i ka bërë KQZ për mandatin tim. Nuk dua të bëj komente mbi punën e institucioneve ligjzbatuese, por nuk mund të lejoj të më përdhoset emri dhe imazhi im.
Rasti im është i njëjtë me atë të 19 deputetëve të tjerë që bënë shtesa në formularin e dekriminalizimit, pasi kishte kaluar afati ligjor. Në rastin tim kisha harruar një gjobë 10.000 lekë të marrë në vitin 2000. Ishte një gabim njerëzor dhe jo fshehje të dhënash. Më pas është çdo gjë e deklaruar. KQZ e mori një herë në shqyrtim formularin tim dhe nuk konstatoi shkelje.
Nuk e kuptoj ku do të dalë Prokuroria me këto flluska sapuni. Shtesa në formular bënë edhe mjaft deputetë tjerë dhe nuk pati asnjë kërkesë të tillë. Po për Sali Berishën etj, pse nuk kërkojnë heqje mandati?
Do ju kërkoja dhe mediave të ishin të kujdesshme kur shkruajnë se unë kam “fshehur” të dhënat në formular. Po postoj një kopje të dokumentit zyrtar që kam dorëzuar për tu treguar se Prokuroria ose nuk di ose nuk ka dashur ta lexojë”. (J.V/Shuplaka)
