KQZ shqyrton regjistrimin e PS-së për zgjedhjet në një ditë me Partinë e Punës, LSI akoma pa dorëzuar dokumentet

Zgjedhjet e qershorit janë shumë afër ndërkohë që partitë politike janë të ndara në qëndrimet e ntyre nëse zgjedhjet do të mbahen brenda datës së përcaktuar apo do të shtyhen. Partia Demokratike e kryesuar nga Basha dhe Partitë e tjera opozitare e kanë shprehur qartë se nuk do të marrin pjesë në zgjedhje pa u plotësuar kushti i tyre për qeveri teknike.

Partia Socialiste e ka depozituar tashmë kërkesën e saj zyrtare pranë Komisioni Qendror të Zgjedhjeve për t’u regjistruar si subjekt në garën elektorale të 18 qershorit

Të hënën pritet që të mirarohet kërkesa e Partisë Socialiste. Në të njëjtën ditë mësohet se pranë KQZ-së do të rregjistrohet edhe Partia e Punës së Shqipërisë me kryetar Muharrem Xhafën.

Por mësohet se ndryshe nga PS dhe PPSH, Lëvizja Socialiste për Integrim ende nuk ka depozituar një kërkesë zyrtare pranë KQZ-së për t’u regjistruar në garën elektorale të 18 qershorit edhe pse është ende brenda afatit ligjor (9 prill 2017). (E.K/SHUPLAKA)