Ka përfunduar mbledhja për miratimin e listave të Partisë Demokratike.
KQZ ka shtyrë afatin për PD me 24 orë që të plotësojë listat e kandidatëve
Gjatë mbledhjes ka patur debate në lidhje me listat e kandidatëve, Ish-kreu i KQZ-së Denar Biba u shpreh se “PD me vetëdije ka sjellë 94 kandidatë edhe pse mund të sjellë më shumë, e ka sjellë me vetëdije listën, e di që ka pabarazi gjinore.”
Ndërsa kryetari i KQZ, Klement Zguri “Lista ose është e rregullt ose nuk është dhe të plotësohet.” U shpreh Zguri.
Zguri-Bibës: A ka të drejtë të ndryshohet lista?
Biba: Sipas Kushtetutës së Republikës së Shqipërisë lista nuk ndryshohet, të miratojmë listën dhe të mblidhemi në orën 22:00 për fletën e votimit.
Klement Zguri: Subjektet kanë të drejtën të korigjojnë parregullsitë e tyre
KQZ pas debateve vendosi që të shtyjë afatin për PD. PD s’e dorëzoi të plotë listën, dërgoi 95 nga 140 kandidatë.
Ndërkohë gjatë mbledhjes KQZ ka miratuar kandidatët e Partisë Demokratike dhe Partisë Socialiste për Bashkinë e Kavajës, zgjedhjet për të cilën zhvillohen në të njëjtën ditë me zgjedhjet e përgjithshme, më 25 qershor. (S.SH/Shuplaka)
