Pas deklaratës së parë këtë paradite, në një tjetër deklaratë për mediat, Komisioni Qendror i Zgjedhjeve, ka shprehur shqetësimin për mungesën në punë të komisionerëve të ngarkuar lidhur me procesin zgjedhor në kuadër të zgjedhjeve.
KQZ shprehet se për shkak të frikës për vendin e punës në administratë, ata nuk janë paraqitur në KQZ. Kjo sipas Komisionit Qendror të Zgjedhjeve është e patolerueshme për shkak se ata duhet të qëndrojnë në krye të detyrës për të realizuar të gjithë veprimtarinë që ju ngarkon Kodi Zgjedhor.
Deklarata e KQZ-së:
Ditën e diel, dt. 11 qershor, pra ditën e nesërme përfundon afati për dorëzimin e dokumenteve për akreditimin e vëzhguesve pranë KZAZ-ve.
Nga të gjithë subjektet zgjedhore që i janë drejtuar selive të KZAZ-ve për të dorëzuar dokumentet e akreditimit, vijnë shqetësime se Komisionerët e Zonave të Administrimit Zgjedhor nuk janë në punë.
Kjo është e patolerueshme, pasi komisionerët e KZAZ-vë në zbatim të udhëzimit nr.2/2009 të miratuar nga KQZ-ja, duhet të qëndrojnë në krye të detyrës për të realizuar të gjithë veprimtarinë që ju ngarkon Kodi Zgjedhor, nga ora 08.00 – 13.00 dhe pasdite 16.00 – 20.00”, deklaron KQZ.
KQZ i tërheq vëmendjen anëtarëve të KZAZ-ve që të qëndrojnë në selitnë e KZAZ-ve dhe të respektojnë orarin e punës.
“Jemi në periudhë zgjedhore dhe ditët e fundjavës për komisionet zgjedhore janë ditë pune, ndaj të gjithë komisionerët e KZAZ-ve, duhet të jenë në punë sot por edhe ditën e nesërme.”
Discussion about this post