Tërmet Peçit dhe Adriatik Zotkajt nuk iu hiqet mandati i kryetarit të Bashkisë.
Në përfundim të mbledhjes që Komisioni Qendror i Zgjedhjeve nisi në orën 14:00 dhe u shoqërua edhe me sherr mes anëtarëve të saj, u vendos me 4 vota kundër për heqjen e mandateve të deputetëve dhe kryebashkiakëve për të cilët ishte kërkuar rivlerësim: “Asnjë deputeti dhe kryebashkiaku në listë nuk u hiqen mandatet”.
KQZ votoi kundër heqjes së mandatit për Asllan Dogjanin, Eduard Halimin, Sali Berishën, Arben Ristanin, ndër të tjerë.
KQZ u mblodh sot për të riverifikuar formularët e dekriminalizimit për 21 zyrtarë, ndër ta 13 deputetë dhe 8 kryebashkiakë, konkretisht:
për deputetët: Sali Berisha, Arben Ristani, Eduard Halimi, Florian Mima, Myqerem Tafaj, Spartak Braho, Vangjel Dule, Asllan Dogjani, ndër të tjerë;
për kryebashkiakët: Tërmet Peçi, Adriatik Zotkaj, Artur Bardhi, Edmond Themelko, Adel Lala, Zef Hila, Ndrec Dedaj, Rajmonda Balilaj.
Mbledhja u shoqërua me sherr mes anëtarëve të KQZ-së dhe tre anëtarë përfaqësues të opozitës, u larguan përpara shqyrtimit të 21 subjekteve për shkak të mosmarrjes në konsideratë të kërkesës së tyre për shqyrtimin veçant të Peçit dhe Zotkajt.
(XH.A/SHUPLAKA)
Discussion about this post